Movie leak out vangin mi pahnih man
admin 12-Jun-2024 03:41 PMLersia Play-in Cyber Crime Police Station-a FIR an theh luh bawhzuiin, Cyber Crime Police-te chuan nimin (11.6.2024) khan movie a ruka tihdarh (leak out) chungchangah mi pahnih an man. Movie tihdarh kaihhnawihah vek hian hmeichhe pakhat, Lawngtlai khua chu a Lersia Play account hmanga movie screen record a ni ngei tih finfiah a nih hnuah legal notice pek niin, cheng nuai thum chawi tura tih a ni.
Lersia Play hian an platform-a movie pakhat, account pakhat hmanga lei sa chu lo zuartu an awm avangin May 7, 2024 khan First Information Report (FIR) an theh lut. Mizoram Cyber Crime Police-te hian FIR an dawn bawhzui hian movie leak out chungchang hi an chhui zui a, nimin khan Champhai atangin movie leak-out-a inhnamhnawih leh a mawhphurtu nia hriat; hmeichhe pakhat leh mi pakhat an man a ni. Cyber Crime Police-in an mante hi vawiin hian Aizawlah an phur thla a ni.
Tin, movie pakhat, Telegram group hrang hranga pirated copy thawn darh avangin hmeichhe pakhat, Lawngtlai khua chu legal notice pek a ni. Pirated copy screen record-ah hian a account neitu hming chiang taka lang chu chhui a nih hnuah a neitu hi hriat chhuah a ni a, a account neitu hian ama screen record a nih loh thu leh, a account password a ṭhiante a share ve thu a sawi.
A thiante hi zawh chhuah leh an ni a, screen record-tu an nih loh thu an sawi vek avangin a account neitu hi mawhphurtuah ngaih a ni ta a ni.
