YMA Kumpuan hawn a ni

Kum 2023-2025 chhunga YMA Kumpuan Ram leh Hnam Jumhalh' tih chu nizan (16.1.2024) khan Vanapa Hall-ah Central YMA President Lalhmachhuana'n a hawng. 

Kumpuan hawn inkhawm hi CYMA Vice President Prof. Lalnuntluanga, Kumpuan Sub-Committee Chairman-in a kaihruai a, CYMA GS Prof. Malsawmliana'n branch hruaitute hriattur pawimawh leh CYMA hmalakna te a tarlang. 

Kumpuan hawngtu CYMA President chuwn Mizoram chhung leh pawna Zofate hi tangrual tur leh inpumkhat tura tanlak a tul sawiin, 'Chibil inlakhran tumna tih hauh loh tur a ni, ' a ti.

Lalhmachhuana khawtlanga sual do tura tanlak nasat a ngaih thu sawiin, Khawtlangah chimtu kan ngah tawh avangin veng leh khaw tina YMA hruaituten pem lut leh chhuak uluk taka chhinchhiah a tul, ' tiin kumpuan kaihhruaina in a sawi angin zirna kawngah te, sumdawnna kawngah te ngaihtuahna sen a tul thu pawh a sawi. 

Kumpuan hawnnaah hian Aizawl khawpui chhunga YMA Branch 109 atangin mi 500 bawr vel an kalkhawm a ni.

'Ram leh Hnam Humhalh' hi YMA kumpuan atan kum 14 zet hman a ni tawh a, tun tumah hian kum 2 chhung atan puan leh a ni. Central YMA chuan kumpuan bawhzui dan tur Kumpuan Kaihhruaina a siam a, hemi zui hian Branch, Group leh Sub- Hqrs ten an huamchhung theuhah hma an la dawn a ni.