UPSC CSE prelims result a chhuak

May 25, 2025-a India ram puma Union Public Service Commission (UPSC) hnuaia Civil Service Examination (CSE) Preliminary Examination result chu vawiin (12.6.2025) hian tih chhuah a ni.

Aizawl Centre atangin hriat theih chinah mi pariat an tling a, chungte chu -  KC Zalena, Lalfakzuala, Lalremsiama Darchhun, Liansonjem Dousel,  Lalremsiami, Lalrinpuia,  Vanlalawmpuia leh Siddharaj te an ni. Aizawl Centre-ah hian mi 596 an exam.

Prelims-a tlingte hian mains an hmachhawn leh dawn a, an tlin chuan interview an hmachhawn leh ang. Interview-a tlingte chu an tih that dan a zirin IAS, IPS, IFS etc. an ni ang.