VC-ten kawng blacktop

Kawnpui VC-III te chuan mipui punkhawm tamna Kawnpui Market kawng kual lai meter 100 vela thui chu May 26 atanga June 7, 2025 chhung khan PWD-te nen tangtlangin senso zawng zawng thawhin an black top chhuak vek.

Kawnpui VC-III te hian lung leh rawrate chu uluk taka road roller rah muk tirin chips an hman turte chu hlawhfa lain an silfai tir vek. Bitumen pawh VC-ten leiin, uluk taka an rahmuk tir hnuah an blacktop a ni. 

Mizoram chhunga VC zingah chuan Kawnpui VC-III te hi own source revenue nei tha pawl tak an ni a, an VC sum atangin kawng siam hna hi an thawk ta a ni.