Police hnalak a fair - K Sapdanga

Home Minister K Sapdanga chuan social media lamah police constable an lak thar tak chu a fair thu leh Chief Minister Lalduhoma duh dan an hlen chhuah thu a tarlang.

K Sapdanga chuan police mass recruitment chu Pathian zarah an zo ta tih tarlangin, 'Chief Minister-in fair tluantling taka tih a duh thu a sawi. Chu chu tihhlawhtlin tumin theihtawp kan chhuah a, kan hlen chhuakin kan inhria,' a ti.

Recruitment-a mawhphurtu Police Officer-te pawhin 100% fairness an kalpui tih finfiahna pawh neia an inngaih thu tarlangin HM chuan, process chhunga dan bawhchhia mi aiawha lemchan tum thubuai 4 siam a ni a, mi 10 man an nih thu pawh a tarlang.

K Sapdanga chuan result puan hlimah an lawm a kim lo tih tarlangin, 'Kan hriatthiampui. Thla a lo vei ang a, kum a lo vei ang a, kan auhla tur a la nih kan beisei. He recruitment thianghlim tak hian fak a hlawh ngai a nih chuan, fak hlawh phu ber chu Chief Minister hi a ni,' a ti.