Total bandh neih tum thulh
admin 01-May-2025 02:06 PMMizo Zirlai Pawl (MZP) Headquarters, Lunglei Executive emergency meeting chu vawiin (1.5.2025) chhun dar 12:30 a thukhawm chuan naktuk atanga tiamchin awm lova total bandh huaihawt an tum chu sawrkar lam aṭanga an thil phutte tih hlawhtlinna tur order an hmuh avangin ṭhulh an rel.
Thudawn danin, Lunglei MZP hruaitute leh Lunglei MLA thenkhatte chu vawiin chawhma khan an thukhawm a; MZP hruaitute hi sorkarin Pukpui - Mausen siam nana pawisa a dahsa tawh bakah, cheng vbc. 58.99 dah belh leh a tum thu hrilh an ni.
Lunglei MZP hruaitute hi Pukpui - Mausen siam nana cheng Vbc 45 ruahman tawh bakah hian Mausen leh Kanghmun South inkar siam nan cheng vbc. 58.99 dah belhin, a daih lohna pawh dah belh zel an in huam thu hrilh an nih bakah sum ruahman felna document (thlalak) pawh pek an ni.
