Lunglei DC-in a hna a zawm
admin 22-Nov-2024 12:57 PM
Lunglei DC thar atana ruat Navneet Mann, IAS chuan vawiin (22.11.2024) hian R Lalthazuala, MCS hnen atangin DC mawhphurhna lain, office a luah tan. Navneet Mann hi a pasal Shivam Siddharth, IPS-n a tawimawm.
Navneet Mann hi Amritsar, Punjab chhuak niin, New Delhi-ah an inbengbel. Mount Carmel School, Anand Niketan, New Delhi-ah sikul kal ?hinin, Indira Gandhi Delhi Technical University for Women, Delhi a?angin Bachelor of Technology (Computer Science & Engineering) a zo.
Kum 2020 batch AGMUT cadre IAS niin, Jammu & Kashmir Sawrkar hnuaiah Assistant Commissioner hna leh Delhi Sawrkar hnuaiah Sub-Deputy Magistrate, Special Secretary (Home Department) leh Deputy Commissioner, Municipal Corporation of Delhi hna te a lo thawk tawh.
Mizoram Sawrkar hnuaia thawk tura rawn sawn a nih angin October 28, 2024 khan a rawn zawm a, Mizoram Sawrkar hnuaia a mawhphurhna hmasa ber atan Lunglei DC atan ruat a ni.
Lunglei DC pasal Shivam Siddharth hi IPS (AGMUT 2020) niin, Siaha District-ah Superintendent of Police-in a awm dawn bawk a ni.
