Foundation For Drug-Free-in ro rel

Tlawmngai pawl, Foundation For Drug-Free Mizoram rorelna sang ber dawttu Executive Council chu vawiin (2.9.2024) chhun khan Kulikawn YMA Hall-ah an thukhawm a, rorel palai 45 atangin 35 an kal. 

Executive Council ah hian agenda 10 chhawpchhuakin; heng zingah hian Chief Minister's Relief Fund ah ₹10,000/- chhunluh te, master trainer tur mi 15 ruat chhuah te, sorkar sum dil ngawt loa pawl sum tuak nana jumble sale neih te leh 2025 Calendar siam te an pawm.

Tunlaia ruihhlo kaihhnawiha mahni nunna la an awm fo chu pawi an tih thu leh ruihhlo dona kawnga an pawlin hma an lakna ah zuk leh hmuam a fihlim tura inzirtirna leh rilru hriselna lamhawi inzirtirnate sawi tel ni se, an ti.

Executive Council hian an pawl inkaihhruaina chhiatni/thatni dan an ennnawn a, mitthi pangpar inpek chu sap tihdan, Mizo society irawm a chhuak a nih loh avangin tuna chinah an member thi an awmin pangpar an dah thin chu an titawp. 

Tun dinhmunah Foundation For Drug-Free Mizoramah hian member inziaklut mi 1,200 an awm mek.