GAD Secretary tur ruat thar

Election Commission of India (ECI) in Mizoram GAD Secretary ni lai a chawlhtir (remove) hnuah Mizoram Sorkar chuan GAD enkawltu tur a ruat thar. 

Mizoram Sorkar hian nimin (19.3.2024) khan GAD secretary atan hian R Lalramnghaka, IAS a ruat. R Lalramnghaka hi PWD secretary ni lai a ni. 

Sorkar thuchhuah tarlan danin, ECI chuan Chief Secretary hnenah lehkha thawnin; Vanlaldina Fanai (ICAS), Secretary to Chief Minister chuan GAD leh Planning & Programme Implementation Department a enkawl tel a, GAD hi election official pawimawh District Election Officer's Office (DC Office) enkawltu a lo nih bawk si avangin siam rem hlek ngai awmin a hria a ni. 

ECI hian MCC in free & fair election nei tura a phutte fel taka zawm a nih theih nan. GAD enkawltu tur atana ruat theih (suitable officers) mi pathum hming an hnena thehlut turin CS hi a rawn hriattir a ni. MCC in a sawi anga ECI lamin chung mi pathumte atanga GAD changtu tur secretary a rawn ruat theih nan a ni.