Serchhip Police-in rakzu thahnem tak an man

Serchhip Police-te chuan nimin (28.6.2025) tlai khan Inrinni khan Serchhip Tuikhuah Vengah lirthei chesual atangin rakzu thahnem tak an man.

Lenkawl Editor Zonuna Kawlni hnen atanga Bengvarna thudawn danin, car MZ01 Z -2751 chu chesualin kawngsir a tui luankawrah a tlan lut a, motor hi Traffic Police duty-te chuan enfiahin rakzu tam tham tak an hmu. Serchhip Police Station-a hriattir nghal niin heng zu leh a phurhna motor-te hi an man ta nghal a ni.

Motor-ah hian rakzu satha ip a dah litre 256, tualchhunga hralhna rate a cheng nuai 1.28 hua chhut hmuh a ni.

Rakzu neitu nia hriat leh lirthei khalhtu Lalbiakmawii (28), Phunchawng-a khawsa nia insawi chuan heng zu hi Phunchawng atanga a lak a nih thu leh Hnahthial-a pek tur niin a sawi. Serchhip Police te chuan MLP Act hnuaiah thubuai an siam sak a ni.