CM hoin Remna Ni lawm dawn

Vawiin (30.6.2025) hi India Sorkar leh MNF-in inremna an ziah champha  vawi 39-na a ni a, MZP bultumin Chief Minister Lalduhoma hoin lawm a ni dawn.

Remna Ni lawmna hun hi MZP Vice President   Dr C Lalremruata'n a kaihruai dawn a, Chief Minister Lalduhoma leh MZP President H Lalthianghlima'n thu an sawi dawn. Zai, hnam lam, recitation leh drama en tur leh ngaihthlak tur a awm ang.

Zaithiam zai tur an tha hlawm viau - Icon star Taitea, Idol star David Darlong, Praise On star J Lalruatsangi, Sawmtea Chhangte, Rihlui Tlumang leh Mary Dawngiten zaiin mipui an awi dawn.