INMI Hydration Drink tlangzarh

In tur hrisel, INMI Hydration Drink chu nizan (28.6.2025) khan HYVE Hall-ah tlangzarh a ni ta a, mi sawm bik tlemte ten a hawnna hun hi an chhim a ni.

Hawnna hunah hian infiammite leh fitness lam tui mi te bakah film star leh model te an tel a, INMI Hydration Drink dintu Drew Pachuau leh Andrew Lalchhandamate’n an khuhhawn hnuah Vanlalsailova’n Pathian hnenah a hlan a ni.

INMI Hydration Drink chu enge?

Hydration Drink chu kan taksa atanga tuiril kan hloh, kan inkhelh avangte, kan hah avangte leh nawm sam loh avanga thlan tui atanga kan taksa tuiril leh electrolytes chhuak nasa hnawhkhah lehna in tur hrisel a ni. INMI Hydration Drink hi Coconut water base-a siam niin, flavor chi thum; Peach, Blueberry leh Lemon te a awm a, taksa tana hrisel, side effect awm lo tura duan a ni. Sugar telh belh, added sugar a awm lo a, thau (fat) a awm lo a, caffeine a awm lo bawk a, electrolytes a awm thung a, kan taksa mamawh minerals chi hrang hrang leh Vitamin A, E, B6 leh B12 a awm a, BCAA a awm tel a, antioxidants a nih bakah natural taka thahrui siam thar leh thei tura duan a ni.

INMI Hydration Drink hi infiammi, hriselna lam ngai pawimawhte tana duan deuh ni mah se, mi nawlpui, naupang thlenga in theih leh in him a ni a, chhawlhal chhawk thei, duh hun huna inmai theih a ni. A dintute sawi danin, manufacturer lam te Lab Test bakah 3rd Party Lab Test paltlang leh thlap bawk a ni.