MSU hruaitute'n CM an kawm

Mizo Students’ Union (MSU), General Headquarters hruaitute chuan vawiin (9.6.2025) khan Chief Minister Lalduhoma chu a office-ah an kawm.

MSU hruaitute chuan Chief Minister hnenah hian college zirtirtu unqualified (NET/Ph.D neilo) 29 te kum khat dang hun a pek belh leh chu ṭha an tih loh thu an thlen. Sawkarin hun a pek belh lehte hi an qualify theih nan vawi tam tak hun pek belh leh pawhsei sak an lo ni tawh chunga qualified thei lote an nih thu thlenin, huaisen taka ban ngam turin CM hi an ngen. 

MSU General Executive Committee meeting Dt 19 May, 2025 in a rel angin 2025-2026 academic session tan leh hma ngeia an contract hi titawp turin CM hi an ngen a ni.

Scholarship chungchangah ZPM Sawrkar hnua State Matching Share a hun taka pek zel anih ṭhin avangin Chief Minister hnenah hian MSU hruaitute chuan lawmthu an sawi, 'Chutih rualin, Scholarship 2023-2024 a 4th installment Mizoramin tun thlenga kan la dawnloh avanga zirlaiten harsatna an taw,' tiin theihtawpa Central Sawrkar nawrpui turin an ngen.

Chief Minister chuan MSU hruaitute thu thlen hrang hrang chu pawimawh a tih thu a sawi a, theihtawpa bawhzui sak a tum thu a hrilh.