Current man vangin thi?
admin 06-Jun-2025 07:47 PMVawiin (6.6.2025) tlai khan Govt. Middle School, Serkhan chawkidar Khumtira chu electric current-in a man vangin a thi nia hriat a ni.
Serkhan atanga Bengvarna thudawn danin, Khumtira hi tlai dar 5 vel khan an in hnuai hungna rangva bul leiah a lo mu hmuh a ni a, hmuh a nih hian a lo thi tawh nia hriat a ni.
Power & Electricity Department-a thawktute an kal chuan an in hnuai hungna rangvaah hian current a lokal vek a, hei hi a khawih fuh palh anga, a awmna lei a lo hnawng bawk si nen current hian a man hlum nia rin a ni.
Khumtira hi Serkhan Govt. MS ah hian kum 20 chuang thawk tawhin, a nupui fanaute kum 20 chuang Serkhanah an awm tawh. Fanu vek neiin an faten pasal an neih vek tawh avangin Serkhanah hian a nupui leh a tunu nen an awm.
A ruang hi a nu leh pa leh a unaute awmna Sihphirah lak a ni dawn.
