Zuangtuiin pawi an ti

Zuangtui Local Council leh All NGO-te nimin (13.5.2025) a thukhawm chuan ni 7.5.2025  Zan a Zuangtui PWD hmuna Bitumen Hot Mix Plant mipui pungkhawmin an ti chhia chu pawi an ti takzet tih tarlang.

Zuangtui LC leh NGO chuan, 'All NGO lam pawn hot mix khu tuartute harsatna hi kan lo hrethiam phak tawk lo hle niin kan hria, tharum thawhna duhawm lo tak a chhuah phah hial hi pawi kan ti tak zet a ni. Bitumen Hot Mix tih chhiat avanga sorkar kawng siam lai a khaihlak ta hi pawi kan ti em em,' tiin sorkar, veng chhung kawng siam lai neitu vengte leh Mizoram mipuite chungah thupha an chawi.

An chhiat tawh tawrhpuia thlamuantu political party-te leh media mite chungah lawmthu sawiin Zuangtui LC leh NGO chuan, he thil hi politics thil a in dem nan leh hamthat lakna tura political issue a min hman sak lo turin kan ngen tak meuh che u a ni,' an ti.