Air raid angin mock drill nei dawn

Aizawl DC chuan thuchhuah siamin, Ministry of Home Affairs, Govt. of India hmalaknain India rama Civil Defence Mock Drill district 244-a neih turah Aizawl District a tel ve tih tarlangin, 'He mock drill-ah hian Aizawl khawpuiah air raid awm anga drill neih tur a ni,' a ti.

Aizawl DC tarlan danin, naktuk 7.5.2025 (Nilaini) dar 11:00 am ah DC Office, Aizawl atangin siren tih rik a ni dawn. Mock Drill hi AIR station, Tuikhuahtlang leh Civil Hospital Aizawl inkar a neih tur a ni.

Tin, ni 7.5.2025 (Nilaini) tlai dar 6:30 pm 6:35 pm chhungin siren ti ri lehin Black Out a awm dawn a, hemi chhung hian Aizawl khawpui chhungah power supply tih tawp vek a ni dawn bawk a ni.

He Civil Defence Mock Drill hi India ram pum a Civil Defence System dinhmun enna tur a ni tih tarlangin Aizawl DC chuan, he mock drill neih turah hian mipuite chiai lo tura  ngenin a hriatti.