Engineer paruk candidate an ni dawn

November 7, 2023 a Mizoram MLA inthlan lo awm tura candidate zingah engineering degree nei mi paruk an awm a, an zinga pahnih chu MLA ni lai a ni.

MNF candidate zingah engineering degree nei pali awmin an zinga pahnih chu MLA ni lai niin, Tuikum Bialtu MLA Lalrinawma leh Mamit Bialtu MLA H Lalzirlianate an bial ngaiah an ding leh dawn.

Anni pahnih bakah hian MNF ticket-in Thorangah Rohmingliana leh Aizawl West-III ah K Lalsawmvelate an ding ang.

Congress Party leh ZPM atangin engineering degree nei candidate pakhat ve ve an awm dawn. Congress Party atangin C Laldintluanga chu South Tuipui Bialah dingin, ZPM atang chuan Champhai North Bialah H Ginzalala  ding.