ITLF leh Amit Shah an inbia

Sawm an nih angin vawiin (9.8.2023) chawhnu dar 2 khan Indigenous Tribal Leader Forum (ITLF) hruaitute lehUl Union Home Minister Amit Shah chu Delhi-ah an inbia. 

Hun rei tawk tak an inkawm a, tualchhung indona thleng mek dinhmun bakah mitthi vui loha la awmte vuina hmun turte an sawi. Amit Shah chuan mitthi vuina tur hmun chungchangah Meitei lamin sawiselna an neih avangin hmun dang ngaihtuah turin a ngen. Mah se, ITLF hotute chuan mipui an rawn hnuah an thutlukna an hriattir tur thuin an chhang.

Amit Shah chuan ITLF hruaitute hruaitute hnenah separate administration an ngen chungchangah political solution a awm theih hma chu inkah leh tharum thawhna chawlhsan turin a ngen a, chumi atan chuan Sorkar Laipuiin buffer zone-ah security tam zawk a tirh belh dawn tih a sawi.

Imphal khawpuia lehkha zirten an chhunzawm theih loh chungchangah Amit Shah chuan hmun danga sawn an nih theihna tura hmalak a nih tur thu a sawi bawk. Lamka leh Aizawl inkarah helicopter service bakah district hrang hrang inkalpawh dan tur ngaihtuah a ni ang tih a tiam a ni.

Imphal-a mitthi ruangte hi tute nge an nih hriat chian an nih theih nan hmalak a ni a, Lamka phurh thlen an nih theih nana hmalak a nih thu ITLF hruaitute a hrilh bawk