YMA Day pualin tanpuina hlan

Vawiin (15.5.2025) chawhnu khan Electric Veng Branch YMA, Aizawl chuan YMA Day 2025 lawm nan Samaritan Riangvai Run, Seling Zero Point-ah ṭanpuina Rs. 30,000 bakah thawmhnaw bag hnih an hlan.

Samaritan Riangvai Rûnah hian enkawl lai mi 55 an awm a, thawktu 10 awmin an vaiin mi 65 an awm mêk. Enkawl lai zingah hian mi 31 vohbik an awm.

Samaritan Riangvai Rûn hi a hma chuan kawngpui anah a awm ṭhin a, zin vei vakten ṭanpuina an pe ṭhin a, tunah erawh kawngpuiin a hel tâk avangin ṭanpuina an hmu ṭha meuh tawh lo. 

An intununna pakhat atan vawk leh ar eng emaw zat an vulh a, thawktute hi hlawh beisei lo va missionary-a thawk vek an ni.