Christina-i'n computer a pe

AMC Ward-VIII Corporator Christina Roluahpuii Sailo chuan a bial chhunga govt. school hrang hrang a tlawh chhuahna atanga a hriat chhuah, computer la nei ve lo awm chhun Govt. Primary School-I, Armed Veng South chu computer full set leh printer (wireless) vawiin chhun khan a pe.

Christina-i chuan an bialchhung sikul zinga computer lo la nei ve lo an lo awm chu rilru nat thlak tiin, an neih loh thu a hriat rual hian Education Department lamte pawh a be nghal. Mah se, an ni hian primary lam chu pek theih chinah an tel ve loh thu an hrilh avangin, ward fund-in a leisak ta a ni.

Bialchhung mite hi mamawh a hriat kim vek theih loh avangin an mamawhte sawi hreh lo turin bial mipuite chahin Christina-i chuan, 'Ka tih theih chinah chuan theihtawp ka chhuah zel ang,' a ti.