Tipper-te'n zawh lo maithei

Mizoram Tipper Association (Driver's & Owner's) District Headquarters, Kolasib chuan Kolasib DC hnenah lehkha thawnin, an huntiam chhunga kawng siamthat a nih loh chuan an lirtheite NH -6 & 306 an zawhtir dawn loh thu an tarlang.

DC hnena an thawn (a ngai ngaiin) : 

A hmasain Mizoram Tipper Association (Driver's & Owner's) District Headquarters Kolasib hmingin chibai kan buk a che.

Dt. 4/6/2025 a Mizoram Tipper Association (Driver's & Owner's) District Headquarters Kolasib Committee chuan Mizoram kan chak lakna ber NH-6 & 306 (Kolasib to Sairang) chu Lirthei tan a zawh hlauhawm leh chhiatna nasa zawk thleng thei din hmunah awmin, tunah pawh Lirthei khalhtu ten harsatna namenlo kan tawk mek a. Chuvangin hnathawktu ten hna chak taka an kalpui theihna nan hma min lakpui turin kan ngen a che.

Dt. 5th June atanga 15th June 2025 chhung a hmalakna engmah a awmlo a nih chuan NH-6 & 306 hi chak zawk a hnathawh a nih theihna atan kan Driver pui te leh Lirthei a eizawngte hnenah tiam chin awmlovin NH -6 & 306 kawngpui hi tumahin zawh lo turin hmalak kan tum a ni tih kan hriattir a che.