Lengpui Airport-ah CISF

April 24, 2025 atang chuan Lengpui Airport-ah Mizoram Police-te duty tawh loin, Central Industrial Security Force (CISF) vek an duty tawh dawn.

Bengvarna thudawn danin, ruahmanna siam a nih dan chuan Lengpui Airport venhim hna leh zin veivakte endik hna thawka awm Mizoram Police-te chuan April 23 ah airport an chhuahsan tawh dawn a, a tuk atangin CISF-te chuan Mizoram Police-te thawh thin zawng zawng an thawk tawh ang.

Lengpui Airport-ah hian Mizoram Police 4th grade, driver leh handleman telin, 76 an dury thin a, anni ho hi hmun dangah an awm tawh ang. CISF hi eng emaw zat an lo thleng tawh a, a tul dan a zirin an rawn thlen belh zel dawn.