Beisei aia tam camp-ah an lut

Synod-in ruihhlo ngaite puala camping an buatsaihah camper inziaklut an tamin, camping neihna hmun tura tih, Synod Revival Camping Centre (RCC)-in a dawl zawh loh avangin camp-na hmun dang an siam thar hial.

May 5, 2025 atanga June 5, 2025 chhunga Synod RCC-a ruihhlo ngaite pual camping neih mekah, camper 1000 vel bawr an luh avangin, camping centre-in a dawl zo lo. May 6, 2025 khan YRC Convention Centre-ah mi 300 vel sawn thlak an ni.

Ruihhlo ngaite puala camping buatsaih mekah hian, speaker atan RCC-ah Lalngaihzuala leh YRC-ah K Lalfakawma te rawih an ni.

RCC lamah hian security tihngaihna a awm loh avangin, hemi buaipui tur hian police rawih an ni.

Nilaini atang khan Synod Hospital, Durtlang-a doctor leh nurse-te'n camper te an vil.

Hun dangah special camp hi siam thin ni mah se, mi 20/30 vel bak an lut ngai lo nia sawi. Tun tumah erawh flyer-te an siam avang leh Speaker ho an fehchhuah nasa a, heti chung hian mi 150 vel chu camper nei thei chauh tura inngaih a nih laiin, camp-na hmun tur siam belh ngai hial khawpin camper an tam a ni.