Silchar-ah Mizoin mi a su

Mizoram atanga inneihna-a tel tura Silchar a kal zinga Mizo  chuan bolero MZ/01 P - 8920 in nizan (12.7.2024) khan Silchar-ah mi eng emaw zat a su.

Barak Bulletin tarlan danin, zan dar 9:45 velah bolero hian mi a sut hnuah a tlan tlang a,  bike hmanga um niin, nangchin a ni. Cachar Police, Traffic Branch leh CRPF thleng ve nghal thuaiin, bolero khalhtu leh bolero hi police custody lamah an kalpui. Bolero hi a chhe nual. Mi 15 aia tlem lo a su. 

Mihring hliam bakah lirthei chhia pawh a awm a, hliam tuar thenkhat chu damdawi inah kalpui an ni. Bolero khalhtu hi a ruih bakah zu a phur niin Barak Bulletin chuan police atangin thu an dawng tih an tarlang tel. 

Bolero driver hi Cachar Police-te'n kawlin, a lakah thubuai ziahluh a ni tih Silchar atanga thudawn a ni.