Mau pum 2,340 man a ni

Kolasib District-a Environment Forest & Climate Change (EF&CC) hnathawkte chuan state pawna tawlh chhuah tur mau pum 2,340 an man.

Bengvarna thudawn danin, Kolasib DFO Margareth Lalramchhani leh a hote chuan Chhimluang lui leh Tuichhuahen luiah state pawna tawlh chhuah turin mau tui lentir a ni tih an hriat veleh an umzui a, Mizoram a pelh hmain an man hman.

Mau hi Inner Line Forest Reserved (IRLF) huam chhunga mi an ni a, mau awmna huan neituin hnamdang hnena Rs. 40,000 in a hralh a ni.

Mau hi a vaiin tel 39 a ni a, tel khatah pum 60 zel awmin, a vaiin pum 2,340 a ni. Dan angin EF&CC chuan mau pum khat zelah royalty Rs. 2 an la ang.