Nov 07, 2025
Friday
Mizoram State Consumer Union, Aizawl City Local Council Association, Mizoram Vawk Vulh Association leh Aizawl City Vawksa Zuar Association chuan vawiin (7.11.2025) hian vawksa manah inremna an siam.
Pawl hrang hrangte chuan, ‘Tuna AMC area-a vawksa rate kan hman mek kg. khatah Rs 400 hi kum 2020 atanga hman tan tawh a ni. Tunah hian vawk chaw man, vawk note man leh motor hman man a lo to chho tawh a, hei bakah hian vawk hri leng African Swine Fever (ASF) avangin vawk supply a tlem phah hle. Chuvang chuan vawiin ni 7.11.2025 hian Aizawla vawksa rate chungchangah inremna siam a ni. Thu leh awm hma atana hman tur a ni,’ an ti.
Vawksa rate hi kg. khat Rs 450 ah tihsan a ni. Hei hi bawhchhia an awm anih chuan a tul angin an chungchang ngaihtuah a ni dawn.
