Sep 22, 2026
Tuesday
Ni 20.9.2026 dar 6:30 vela khan Zakaria Lalhriattluanga (29), New Builum thihna chungchangah New Builum khaw mipuite chu vawiin (23.9.2026) hian District Jail, Kolasibah tualah an pungkhawm.
Mipui pungkhawmte hian Zakaria Lalhriattluanga thihna chungchanga police-in an mante hmel an hmuh duh thute leh tualthattute khaihlum an duh thutein an aurual a ni.
Police-te chuan mipui ngenna angin Zakaria thihna avanga an mante hi mipui hmuh theih turin an inlantir bakah, an hming pungkhawmte hriatturin an puang a ni.
Tarlan tawh angin, Zakaria thihna avang hian Kawnpui Hmar Veng mi pariat man an ni a, paruk (mipa 5 leh hmeichhe 1) chu nimin khan jail-ah dah an ni a, pahnih chu kumtling lo an nih avangin Juvenile Justice Board kutah hlan an ni.
