Vande Mataram chungchang sawi chhuak

Nimin (16.3.2026) Assembly Session-ah Chief Minister Lalduhoma chuan Vande Mataram chungchang a sawi chhuak a, a vai chuan pawm chiah a ngai lo.

Chief Minister chuan Vande Mataram chu a chang hnihna thlengin Nehru-ate hunlaia an pawm a nih thu sawiin, “A bak hi pawm loh. A chang hnihna chin hi chu ram ngaih hla a nimai. Amaherawhchu, a chang dang en hi chuan Hindu Pathian biakna a ni tawh hlawm. Chuvangin, Parliament-ah pawh hei hian hiar a siam deuh an ti,” a ti.

Vande Mataram chungchangah Mizoram Sawrkar an rawn rawnna a hriat loh thu sawiin Lalduhoma chuan, “Central atanga notification a awm pawh ka hre lo. Kan Chief Secretary-ten an lo dawng nge, ka hnen a thleng lo hrim hrim,” tiin official-a hriatna an neih loh thu a sawi.

Chief Minister chuan chang hnihna chin chu ngaihhuat tur a awm loh mai theih thu sawiin, “A bak thleng thlenga an dai dawn a nih chuan kan pawm thei lo tlangin ka ring. Joint Legislature Party-ah kan inrawnkhawm ang a, lungrual takin hma kan la tlang dawn nia,” a ti.

MZP chuan tunhnai khan thuchhuah siamin, “Inrawnkhawmna mumal awm lo leh mipui rilru tur ngaihtuah hauh lova school, college leh sawrkar office-ah te Vande Mataram ngaihthlak emaw sak emaw tura tih hian ngaih a ti tha lo a ni” an ti a. He thupek hi India Constitution-in Mizoram a humhalhna dan a nghawng theih dan zir chianga, a tul anga hma la turin Mizoram Legislative Assembly an ngen a ni.