Tualthattuin hremna a hmuh thuai theihna atan hmalak chak phut

Champhai Zion Veng YMA, MUP leh MHIP chuan thuchhuah intawm siamin, ni 28.03.2026 zana Vanlalbiakmuanpuia (28) s/o B. Lallianthanga chuan an veng huam chhung ngeiah misual kut tuarin a nunna hlu tak a chân tih an tarlang a, “Zion Veng khawtlang chuan a pawi kan tiin thinrimthlak kan ti hle. Hetiang thil hi tun hnuah chuan thleng tawh lo se kan ti takzet a ni,” an ti.

Zion Veng khawtlang chuan, “He tualthihnaa inhnamhnawihte hi thuneituten a rang thei ang bera chhui chhuakin na taka hremna pek ngei ni rawh se tih hi kan veng mipuite duh dan a ni. Tualthattute hian an phu tawk hremna an hmuh thuai theihna turin thuneitute’n chak taka hma an lak kan phut tlat a ni. Vanlalbiakmuanpuia’n rorelna dik a hmuh ngei theihna turin Zion Veng khawtlang chu kan tangrual zel dawn,” tiin misualte pawikhawihna avanga pawi sawi loin an tuar hi pawi an tiin theih tawpin an do zel dawn tih an tarlang.

Tarlan tawh angin, thulakna Maipawlin a tarlan danin, Vanlalbiakmuanpuia (kum 28), Champhai Zion Veng chu ni 1.4.2026 zan dar 8:45 khan ZMC&H-ah a thi.

Champhai Zion Veng atanga an thu danin Vanlalbiakmuanpuia hi JTS Hotel Manager nilai niin tun hnai khan a nupui nen an ințhen a ni.

Ni 29.3.2026 zan khan a nupui leh a nupui nuțate’n an sawisak rawn a, Champhai District Hospital panpui a nih hnuah enkawlna tha zawk dawng turin Aizawl panpui niin ZMC&H-ah dah luh ni.

Ni 1.4.2026 khan zai a ni a, zai a nih zawh hian ICU-ah dah luh niin, nizan 8:45 khan a thi.