News

KTP General Conference Saitual Organising Committee chuan kohhran thliar bik nei loin, inkhawmpui lian an thlen zawh taka hmaruate chu Saitual khaw chhungah kohhran hrang hrang, VC leh YMA hnenah an hlan.

KTP Inkhawmpui Lian thlengtu Saitual hi khaw inlungrual tak an ni a, kohhran hrang hrangten KTP General Conference kha an phur pui em em a, Presbyterian Kohhran ni lo kohhran dangte pawhin an theihtawpin an lo pui vek a ni.

Inkhawmpui an thlen lai khan Kohhran dang pawhin an biak in khar in KTP General Conference kha an hmang ve vek. Usher bakah chanvo hrang hrang an chelh ve vek a, kohhran dang zingah pawh mikhual ngah tak tak an tam hle.

Inkhawmpui a zo a, Inkhawmpui Lian Organising Committee pawhin kohhran dangte puihna hi an hrereng a, an hmanraw neih angte an insem zui ta a ni.

Nimin (March 10) a bungrua an semna te:-

BCM (North, South & Emmanuel.)

Salvation Army (Saitual & Centenary Corps).

ICI Saitual Kohhran.

Seventhday Adventist, Saitual Kohhran.

UPC (NEI & Mizoram).

Roman Catholic.

Lalchhungkua/Unity Church.

IKK

VC (Venglai I & III)

YMA (Bazar, Venglai & Chawnpui)