Jan 05, 2026
Monday
Lunglei Police-te chuan nimin (4.1.2026) chawhnu dar 1:30 khan Haulawng YMA Branch President C Lalngaizuala hnen atanga an thudawn bawhzuiin rakzu ni ngeia hriat thahnem tak an man.
Bengvarna thudawn danin, Lunglei Police-te hian K.Lalhruaizela (24) s/o K.Bawlkunga, Haulawng tuna EF&CC staff quarters a cheng mek chuan an inchhungah rakzu ni ngeia hriat a kawl thu an dawng a ni.
Lunglei Police-te hian Haulawng pan nghalin, hriatpuitu awm laiin rakzu ni ngeia hriat 370 litres, Rs.1,85,000/- man hu chu K.Lalhruaizela kut atanga man a ni a, amah hi an man nghal. Lunglei PS-ah thubuai ziah luh nghal a ni.
