News

YMA Sub Hqrs. YMA, Lunglei hruaitute chuan nimin (11.11.2025) khan Mizoram State University chungchangah Higher & Technical Education (H&TE) Minister Dr. Vanlalthlana a pisaah an kawm.

YMA Sub Hqrs. YMA, Lunglei hruaitute chuan Lungleiah Mizoram State University din an thu sawiin, Mizoram State University Act-a university hmunpui tur ‘Aizawl’ tih chu ‘Lunglei’ tia thlak a nih theihna atan Assembly House-ah amendment act pulut tura chhim lam mipui aiawha an ngen thu H&TE Minister hi an hrilh.

Dr. Vanlalthlana chuan Lungleia college lam dinhmun leh an dawrnate sawiin, Lungleia Mizoram State University din chu thil theih loh tawp nimah se, harsatna hrang hrang awm theite a sawi.

YMA Sub Hqrs. YMA, Lunglei hruaitute hi Central YMA hruaitu thenkhatin an tawiawm.