Mar 10, 2026
Tuesday
Food Civil Supply & Consumer Affairs (FCS&CA) Department chuan LPG Manual, 2021, Section 5.3 in a phut angin Oil Marketing Company (OMC) leh Indian Oil Corporation Limited (IOCL) te inkaihhruaina angin LPG consumer-te him tlan zawk nan a khat tawkin endikna neih thin a nih thu an tarlang.
Hetiang endikna neih hian a tum ber chu mipuite himna a nih thu tarlangin FCS&CA Dept chuan, “Kan LPG dahna hmun leh hman dante a him tawk em tihte endik a ni thin. Tin, LPG kaihhnawih avanga vanduaina a lo thlen palh changin hetianga endikna paltlang te chauh hian zangnadawmna an dawng thei a ni,” a ti.
FCS&CA Dept. tarlan danin, OMC-te dan siam angin endikna atana service charge chu Rs.200/- bakah 18% GST niin, a belhkhawmin Rs.236/- a ni. Hei hi OMC leh IOCL-te chan tur a ni a, state sawrkarin chan tur a nei lo.
He endikna hi April, 2026 chhungin chhunzawm leh tum a ni a, LPG hmangtu zawng zawngte kan him tlan nan a endiktute hi tha taka lo thawhpui turin FCS&CA Dept. chuan mipui an ngen.
