Mar 18, 2026
Wednesday
Vawiin (18.3.2026) chawhnu 1:30 vel khan B Lalhriatpuia (41) h/o H Lalchhanhimi, Lunglei Venglai chu lirtheia chetsualna avangin a thi.
Thulaknain a tarlan danin, Power & Electricity Department chuan tunlai hian Khawiva Tuikhuaha chirh paihfai hna an thawk mek a, Tuikhuah piah lawkah hian chirh paihna hmun an siam a ni.
B Lalhriatpuia hian chirh hi Ashok Leyland hmangin a paih thin a, vawiin chawhnu dar 1:30 vel khan a leivung paih hi feet 90 vela sangah back liam a ni.
Leivung paihna hmuna duty chu chetsual thu hi Tuikhuaha awmte a hrilh nghal a, chetsualna hmun an thlen chuan B Lalhriatpuia hi a lo thi tawh. Naktukah vuiliam a ni ang.
