Dec 14, 2025
Sunday
C. Lalramenga (49), Farkawn chu tukin (14.12.2025) zing dar 5:00 vel khan an chenna In ah a thi. A thih dan ah thil fel tawk lo a awm nia hriain vawiin khan a ruang hi Farkawn Damdawi Inah postmortem a nih hnuah tlaiah vuiliam a ni.
Thulaknain Farkawn atanga an thu dawn an tarlan danin, C.Lalramenga hi nimin khan Myanmar-ah a kal a, hei hi Farkawn VDP ten ringhlelin a lo haw lam chu an lo chang a, nizan zan rei tawhah zu fun eng emaw zat a kut atangin an man. VDP-ten thu an zawhfiah hnuah an chenna In ah motor-in an dah leh a, tukin dar 5:00 vel khan a boral zui ta a ni.
A chhungte chuan he thihna thilah hian thil fel tawk lo, thihna khawpa kut inthlakna a thleng nia hriain FIR an thehlut. Farkawna Police-te bakah Dungtlang leh Champhai atangin police tam zawk Farkawnah kalin C.Lalramenga ruang chu Farkawn Damdawi Inah postmortem zui nghal a ni.
Police-te chuan he thihna thleng chungchangah hian Farkawn VDP mi leh sa 7 te chuan thu an zawhfiah hnuah, Champhaia thu zawhfiah zui atan Farkawn atangin an rawn hruai mek a ni.
