Kan hmalaknaah kan tluang &#8211; F Rodingliana

Power & Electricity Minister F Rodingliana chuan ni 7.1.2026) khan a office-ah department officer-te inhlantharna hun a hmanpui a, power-a intodelh tura an hmalakna a tluan thu leh P&E Department corporation-a let tura hmalakna bawhzui zel a nih thu a sawi.

F Rodingliana chuan kum hlui lama an departnment hmalak tawhna thenkhat tarlangin, “MW 24 thar chhuak thei Tuirini Hydel Project chu kumin January thla chhung ngeia lungphum phum tur a ni. Mw 5 tharchhuak thei Sumsuih Solar Plant pawh hna 20% chuang hnathawh a ni. Power lama intodelh tura hmalakna te tluang taka a kal avangin a lawmawm,” a ti.

P&E Dept. corporation a let tura hmalaknate bawhzui mek zel a nih thu sawiin P&E Minister chuan, “P&E Department hi Strategic Business Unit pathum )- Generation, Transmission leh Distribution-ahte then tura thutlukna siamfel a ni tawh,” tiin siam rem ngai laite siam rem a nih hnuah rei loteah a taka hman thuai a nih tur thu a sawi.