Mar 16, 2026
Monday
GAD enkawlu Chief Minister Lalduhoma chuan Lengpui Airport chungchangah Indian Air Force (IAF) nen an indawr tawh loh thu a sawi.
Vawiin (16.3.2026) Assembly Session-ah Chief Minister chuan tunhma atangin Lengpui Airport-ah IAF leh Airport Authority of India (AAI) te nen indawr a nih thu sawiin, “IAF lam hi an offer a tha a, AAI lam erawh an offer a chhe hle. Mah se, NGO leh political party lamin AAI hnena hlan zawk an tih avangin IAF te nen kan indawr tawh lo. Lengpui ram IAF-in an lei hi airport nen inzawmna a nei lo, thildang daih a ni,” a ti.
Lalduhoma chuan Union Home Minister Amit Shah hmalaknain AAI-te nen indawr chhoh a nih thu sawiin, “AAI lam hian an enkawl chak loa, min bengkhawn tha duh lo. Union Home Minister an hlauh vang chauh a ni. Lengpui Airport-a building-te a hlutna chhut mek a ni a, a hlutna man min pe dawn. Tlawm taka pek chu kan tum lo,” a ti a, an indawr fel theih tep a beisei thu a sawi.
