HSLC topper an khuain an chawimawi

HSLC, 2026 result tih chhuah taka pakhatna Rachel Biakṭhapari, St. Joseph HSS, chu an khua East Lungdar Village Council, All NGOs leh All Political Party-ten vawiin (1.5.2026) hian Thangburha Hall, E. Lungdar-ah an chawimawi.

Rachel Biakṭhapari pa Salai Chan Uk chuan a fanuin mobile phone a la neih loh thu sawiin, “Phone kan neihtir lo, thuamhnaw lamin kan duat ngai lo a, hmawmsawmin kan duat ngai lo bawk. Phone nei loin tun thleng hian a awm a, chu chu a hlawhtlinna chhan ber pakhatah ka ngai. Hunawl kan neihtir ngai lo,” a ti.

Rachel-i hi class IX a zir hma zawnga East Lungdara lehkhazir a ni a, class IX aṭangin St. Joseph HSS-ah a kal ṭan chauh a ni.

Rachel Biakṭhapari chawimawina inkhawm E. Lungdar VCP Vanlalhlua Chhangte chuan a kaihruai a, lawmpuina leh chawimawina All NGO, All Political Party bakah a duh apiangin an hlan a ni.

Thlalak Rachel-i leh St Joseph HSS Principal