News

MNF Sr. Vice President Dr. R Lalthangliana, MLA chuan vawiin (24.11.2025) hian Hnahthialah MNF pisa a tlawh a, chumi hnuah Sangauah MNF hruaitute nen an inkawm.

LADC inthlan avanga kal a nih thu sawiin Dr R Lalthangliana chuan, “LADC-ah hian bial 25 a awm a, MNF hi kan thawhpuite nen sorkar lai mek kan nih angin, Pathian zarah tun inthlanah pawh hian kan tlin ngei ka beisei a ni. MNF hi chu party naran kan ni ve lo a, Mizo Hnam martar-te thisenin a hrin, Mizo hnam party a ni,” a ti.

MNF Sr. Vice President chuan Mizo hnamin zalenna sual laia an hotu pawimawh ber berte zinga mi Zoramthanga leh Tawnluiate uapna hnuaiah an la kal zel chu an vanneih thu sawiin, “A thlamuan thlakin, MNF hmalam hun hi a eng hle. MNF chu Pathian leh kan ram tan titu kan ni a, kan ram aiin Pathian kan dah hmasa zawk tur a ni,” tiin an rilru a hrisel a, Lalpa an tih tlat chuan hmalam an pan zel dawn thu a sawi.