Nov 14, 2025
Friday
Vawiin (14.11.2025) hian Central YMA chuan an office-ah NHIDCL leh an hnuaia contractor (Sairang leh Vairengte inkar kawng siamtute) te chu lengah sawmin, an inkawm.
Ni 8.11.2025 a Central YMA-in Sairang – Vairengte inkar kawng a en tum a hmalakna kal mek leh kalpui zel dan tur sawiho niin, kawng siam mek hi December chawlhkar hmasa berah CYMA chuan tlawh nawn leh a tum thu leh chumi hunah chuan hmalakna uluk zawk a en tum a nih thu an hrilh an ni.
Contractor-te hian December 20 chhoah Kolasib leh Rengtekawn inkar chhe lai zual hi black topping tih hman an tum thu an sawi.
Central YMA hruaitute chuan Sairang leh Vairengte inkar kawng siamthat mek chu enpui reng a tum thu an hrilh.
Inkawmhonaah hian NHIDCL Executive Director Adelbert Susngi leh a hotu dangte an tel a, contractor 3 an tel bawk.
