LADC CEM atan la lut

Independent-a Lai Autonomous District Council (LADC) MDC atana thlan tlin, ZPM a zawm hnua BJP zawm leh N Zangura chu tukin (8.5.2025) khan LADC CEM atan lakluh a ni.

Tun tum hi LADC Sorkar term kal meka CEM lakluh tum ngana a ni a, N Zangura hi BJP leh MNF MDC-ten an thlawp, pawn lam atanga Congress MDC-in a thlawp a ni. 

Tarlan tawh thin angin Lai Students Association chuan LADC Sorkar mumal lo lutuk duh loin, LADC Sorkar hi thiah a, inthlan buatsaih that an phut a, an thil phut nawrna atan LADC leh DC Office-a kal turte an dang a ni.

LSA hian dodal mah se, Governor-in CEM atana a ruat N Zangura chu CEM atan lakluh a ni ta tho. Thlawptu a ngah tawk tih erawh a finfiah a ngai dawn.

Kum 2020 inthlanah LADC-ah hian MNF-in sorkarna an siam a, CEM chu a hnuah an thlak. Chumi hnuah MNF leh Congress Sorkar intawm piangin Congress MDC a CEM. A hnuah ZPM Sorkar piang lehin, tunah BJP leh MNF in tawm sorkar, Congress MDC in pawn lam atanga a thlawp sorkar siam tum niin, BJP MDC CEM atan lakluh a ni.