Rakzu ni ngeia hriat kawltu man

Hauruang VDP-te'n K Vanlawmkimi (44) d/o K Vanlalthanga (L) of Lunglawn, Lungleiin rakzu ni ngeia hriat a kawl thu Lunglei Police an hriattir hnua, K Vanlawmkimi hi police-in an man.

Bengvarna thudawn danin, tukin (2.5.2025) dar 3 khan Lunglei Police Station chuan telephone hmangin Hauruang VDP-te hnen atangin, Emmanuel Baptist Biak In, Hauruang bulah mi pakhat chu zu ni ngeia rinhlelh a kawl avanga an lo awmpui thu an dawng a ni. 

Lunglei PS-a duty-te chuan Hauruang hi pan nghalin, K Vanlawmkimi hnen atang hian rakzu ni ngeia hriat fun 220 (litres 73 vel), Rs.36,500 man hu vela chhut chu chu witness pahnihte hmuh laiin an man a, amah pawh an man nghal.