MSU President bail dilna ngaihtuah

Vawiin (11.11.2024) hian Aizawl District  Court-ah Anti Corruption Bureau (ACB) leh Aizawl Police Station-in an man MSU President Samuel Zoramthanpuia bail dilna an ngaihtuah.

Police atanga Bengvarna thudawn danin, MSU President-in ACB-in thubuai an siam saka bail a dilna chu an phal sak a, Aizawl Police Station-a thubuai an siam saka bail dilna erawh an phal sak lo thung. Heivang hian jail-ah a tan chhunzawm a ngai dawn.

Court chuan Samuel Zoramthanpuia bail dilna hi an man tlai ni 8.11.2024 khan a lo hnawlsak tawh a ni.

Tarlan tawh angin ACB leh Aizawl Police Station-te hian Samuel Zoramthanpuia hi ni 8.11.2024 khan an man. ACB chuan sum tihchingpen thubuaiah manin, Aizawl Police Station mi hren beh leh tihluihna hmanga pawisa lak sak thubuaiah an man a ni.