Maite khua tlawh pawh theih rih loh

Maite, Saitual District chu nimin (28.5.2024) zing atang khan leimin leh sabereka khuangkaih avangin tlawh pawh theih an ni lo.

Maite atanga Bengvarna thudawn danin, an kalna kawng ber Tawi pelh deuhah kawng chawpa leimin avangin lirthei eng chi mah kaltlang theih a ni lo. Maite hi Hmuntha lam atangin kalpawh theih nimah se, sabereka khuangkaih hmun eng emaw zatah a awm avangin kal chi a ni rih lo.

Bengvarna-in Maite khaw mi a biak pawh chuan ei leh inah harsatna an la tawh lem loh thu sawiin, 'A inbanleh theih dawn tho avangin harsatna kan tawk lo turah kan ngai,' a ti. Maite khua hi in 230 vel awmna khua a ni.