S Khawlekin an khaw centenary an lawm

Lunglei District huam chhunga awm South Khawlek khua chuan vawiin (28.12.2023) hian an kum 100 (centenary) tlin chu ruai nen ropui takin an lawm.

S Khawlek kum 100 tlin lawmna ah hian Inspector General of Police Lalbiakthanga Khiangte chu khuallian niin monument a hawng nghal. Khuallian chuan hmasawn tur chuan zirna leh inlungrualna a pawimawh thu sawiin, mipui kalkhawmte chu ruihhlo laka inthiarfihlim turin a sawm. 

South Khawlek khua chuan an  kum 100 tlinna lawmna  pual hian an khawchhuak mi hlawhtlingte leh mi hmingthate hnenah chawimawina citation an lawm a, tlaiah khawtlangin ruai an theh.