Jun 18, 2026
Thursday
Mizoram Rajya Sabha MP inthlan atana vote thlak hun la zo lo mah se, vote neiten an thlak zo tawh. Vote hi Assembly Committee Room-ah thlak a ni a, vote thlak theih hun dar 4 thleng hawn a ni.
Zing dar 9 atanga vote thlak tan theih niin, a thlak hmasa ber Chief Minister Lalduhoma chuan chawhma dar 9:40 velah thlakin, a thlak hnuhnung ber TBC Lalvenchhunga chuan chawhma dar 11 velah vote a thlak.
Vote nei MLA sawm 40 zingah MLA 36 in vote an thlak. BJP MLA – Dr. K Beichhua leh K Hrahmo bakah Congress MLA C Ngunlianchungate chuan vote an thlak dawn loh thu tarlan a ni tawh. Vote thlak lo zingah ZPM MLA pakhat a tel.
ZPM atangin Tuichang Bialtu MLA W Chhuanawma chuan a hriselna dinhmun avangin vote hi a thlak thei lo. In a chhuahsan thei lo a ni.
ZPM hotute sawi danin, W Chhuanawma hi home voting an dil sak a, thuneitute’n an remti lo.
Vote hi ZPM MLA 26 leh MNF MLA 10 ten an thlak ta a ni.
