Vawksa man tihsan remti lo

Ni 21.10.2025 khan Aizawl City Local Council Association (ACLCA) leh Commerce and Industries Director ten vawksa man chungchang an sawiho.

ACLCA chuan, pawl ṭhenkhat leh sumdawngten an thil zawrh anmahni thu thua rate an tisang ringawt thin chu tha an ti loh thu sawiin, ‘A bikin tunhnaiah Aizawl bazar hmun hnih velah vawksa zuar pawl thenkhatin vawksa man kg. khat Rs. 400 aṭanga Rs. 500-ah an tisang hi tha kan ti lo,’ an ti.

Vawksa man tihsan hian nghawng a nei nasa a, Vawksa rep man bakah ni tin hlawhfa rate thleng a nghawng theih avangin, sa zuar ṭhenkhatin an mahni hlawkna ringawt uma sa man an tisang ringawt zel hi thil tha a nih loh avangin ACLCA chuan vawksa man uluk taka zirchian tha an ti.

Rate siam theitu chu sorkar an nih avangin mumal taka ngaihtuah chunga vawksa rate chu siam ni se, an duh. Sorkarin vawksa man thar a siam hma chu LC te mahni vengah theuh rate pangngai anga hralh a nih theih nan hma la turin an chah a ni.