News

Ni 12.9.2026 chhun dar 12 vela Hmunzawl Kai, Tuichang Luia tla Zoramchhana (39) s/o Chawimawia, Khawlailung ruang chu tukin (14.9.2026) dar 5:15 vel khan an hmu.

Zoramchhana zawng hian mi thahnem tak thawk chhuakin, luiah ngarte an hem a ni. Tukin dar 5:15 vel khan a tlakna atanga kms. 2 vela an ngar hema tangin a lang chhuak a ni. Zan riaka tuitla zawnga thawk chhuakten ruang hi hmuin, an la chhuak. Vawiinah vui a ni ang.

Tarlan tawh angin, Zoramchhana hi mi pakhat nen Hmunzawl khaw mite an biak in sakah cement an laklawh vangin pe turin an kal a, tui a tam vangin motor nen lui a dai kai theih lo. Mihring kal theihna leihlawna cement an inhlanchhawn laiin luiah hian a lut a, a thianpain thlate pawh a lak sak. A hnuah a talbuai zui ta a ni.

Zoramchhana hi an khuaa tui thiam berte zinga an ngaih a ni a, hetianga tui lian tak ni loa a tla hi a khaw mite pawhin mak an ti hle.

Thlalak pakhat zawk hi a tlak hmaa luia a awm lai.