Mi pakua an man tawh

Nizan (20.9.2026) dar 6:30 vel khan Zakaria Lalhriattluanga (29), New Builum thihna chungchangah Kawnpui Police-te chuan mi pakua an man tawh.

Bengvarna thudawn danin, Kawnpui Police-te chuan nizan khan mipa pakua, Kawnpui mi vek an man a, police station-ah an la kawl. Midang man belh tur pawh an la awm rin a ni a, police-ten an chhuizui mek zel a ni. Hmeichhia pawh man ngai an awm maithei.

Nizan khan Zakaria ruang hi police leh Forensic Science Laboratory lamin a tul anga an enfiah hnuah an khuaah lak a ni a, vawiinah Kolasib Damdawi Inah postmortem a nih hnuah vui a ni ang.

Tarlan tawh angin, Bualpui atanga Bengvarna thudawn danin, Zakaria-a hi Assam Regiment niin, nimin khan chawlh lain a rawn haw a, a thianpain Lengpui Airport-ah truck-in a lo hmuak a ni. An in lam pana an haw laiin Bualpui dai, Kolasib lam panga an intibuainaah an sawisa hlum nia hriat a ni a, a thianpa erawh ngaihtuah awm a ni lo.

Kolasib lam atanga Kawnpui lam pante nen an intawksual chu an intibuai nia hriat a ni.