News

Tuikual South mipuite chu an veng nu V Lalhmingthanga (52) thattua puh Irene Lallawmzuali (34) bail-in court-in chhuah a phalsak nia an hriat vangin vawiin (4.6.2026) hian Aizawl District & Session Court bulah an pungkhawm a, Irene-i jail-a awm tura an duhthuin an aurual. (an kum hi tualthihna a thlen laia an kum zat)

Tarlan tawh thin angin March 16, 2024 zanah V Lalhmingthangi a haw loh avangin a chhungte’n an zawng a, a tukah a pasalin Aizawl PS a FIR a thehluh laiin, a fapain chawhma dar 10 velah New Market, Aizawla an dawrah thiin a hmu a ni.

Hemi ni vek hian V Lalhmingthangi thattua puh Irene Lallawmzuali chu tlai lamah police-in an man. Home Minister chuan Irene-i hnen atangin tualthahna atana a hman ni ngeia hriat chemte leh V Lalhmingthangi bungrua nia hriatte an man tel.

Tuikual South Local Council leh All NGO chuan nimin lamah a hnuaia tarlan ang hian ngenna leh sawmna an ti chhuak.

NGENNA LEH SAWMNA :

Ni 21.05.2026 zan a Tuikual South Local Council leh All NGO te Emergency Meeting thuchhuakin ni 25.05.2026 a District Court tual (MINECO) a punkhawm alo rel tawh chu Aizawl DC leh Aizawl SP te min ngenna angin ni 23.05.2026 (Inrinni) a Tuikual South Local Council leh All NGO Meeting chuan ruahmanna thar a siam a. Tualthattu Irene Lallawmzuali Court ni tur hi ni 04.06.2026 (Ningani) anih avangin a Court ni ah hian punkhawm zawk ni se tiin remruatna a siam a, mipuite kan inhriattir e.

Ni 16.03.2024 a kan veng nu Pi V. Lalhmingthangi w/o Pu C. Zothanmawia rawng tak a thattu Irene Lallawmzuali chu court in bail in chhuah a phalsak tih hriat a ni a, he mi duh loh na lan tir tur hian ni 04.06.2026 ( Ningani) chawhma dar 11:00 ah District Court tual ( MINECO) ah Veng mipuite kal khawm tur a ni a, a tam thei ang ber kal tur in kan in ngen in kan in sawm a ni e.